قصيــدة " الحلـــم " للشاعر المبدع " حـامــد زيــد "

][ الحلم ][

بوقت من البطا وبليل تتراقص شياطينه ..
بعد شفت الضيا ينزع من ثياب المسا ثلثين ..

تحايلت المنام اللي مثل بيتج تمرينه ..
وانا اللي من تفارقنا ما غمضت لي عين ..

غريبه كل حلم يمر في رقادي تزورينه ..
والاغرب كيف احلم الحلم وارجع واحلمه بعدين ..

قبل يومين شفتج في المنام وقمت من حينه ..
ونمت امس ورجع نفس المنام اللي قبل يومين ..

انا اللي قبل اسافر شلت قلبي من شرايينه ..
تركته في ايدج مثل الامانه واحفظيها زين ..

ترى حفظ الامانه دين مجبوره تردينه ..
اجل مافي احد قالج حفظ الامانه دين ..

مرد المقفي بيلفي ويستوفي وتوفينه ..
بعد ليله ثلاثه اربعه عشره شهر شهرين ..

اذا انتي منتي بقد الكلام اللي تقولينه ..
حرام استأمنج حاجه واذا جيت اطلبج تنسين ..

تخونين وتبين ارضا واحد يرضا تخونينه ..
انا لاجيت اخونج مع حبيبه ثانيه ترضين ..

من اول ما رجعت من السفر ما شفت لج بينه ..
وانا اللي كنت احسبج قبل ادوس ارض المطار تجين ..

تكونين انتي اول شخص عيني تحتضن عينه ..
وكنت اتخيلج من زود فرحت رجعتي تبكين ..

واشوف بدمعتج حكيج واعرفه قبل تحكينه ..
واجيب احلى من اللي بتحكينه واتركج تحكين ..

تقولين الوطن نور واقول بنور مضوينه ..
تقوليلي غديت احلى واقولج عيونج الحلوين ..

كلامن نام بشفاهج وخفتي لا تصحينه ..
ذخرتيه الغرام للي ينام ويتركج تصحين ..

تغانمتي غيابي لين رجحتي موازينه ..
تعلم من ايدج لمس الكفوف وعلمج تجفين ..

وليتج لاقيه به شي فيني ما تلاقينه ..
مهو بغرور لكن خابرج مالج امل تلقين ..

تغافلج بغلا ولا الحلا مهو بمن زينه ..
تزينه الصور بس الصحيج ابن الحلال زوين ..

وانا ماني بناقص عنه يوم انج تبدينه ..
نصيبي هو نصيبي لو يسددها من الصوبين ..

قنوع بمظهري والسم ما يذبح ثعابينه ..
على قول المثل ماني حلو لكني ماني شين ..

اذا اهداج الزهر مره فانا اهديتج بساتينه ..
واذا الهاج بفرح ليله فانا تهت لبكاج سنين ..

واذا استضعفتج املاكه او شتتج ملايينه ..
انا حتى فتات الخبز اقسمها معج نصين ..

طموحي بس اجي واظفر بشي تستحقينه ..
تدينته تسلفته سرقته مو مهم منين ..

كأني من كثر مارضا بكل اللي تتمنينه ..
لو تطلبين من الله انه يعنيني بقول آمين ..

انا مالعب على الحبلين وقت الطيش وسنينه ..
تبين الحين يوم اني كبرت العب على الحبلين ..

ترى عند البدو بالذات عيب اللي تسوينه ..
حلاتج لا عشقتيني تعشقيني لي يوم الدين ..

غرامن يسكن ضلوعه حشيمه من مجانينه ..
جفا يجمع معزتنا ولا عشقن يذل اثنين ..

كثار اللي تحدوني وقالولي تحبينه ..
امانه لاتخليني صغير في عينهم تكفين ..

لأني كل ما قالو تخون اقول مسكينه ..
عليج الله وامانه علميهم منهو المسكين ..

انا خايف ليا طاح الجمل تكثر سكاكينه ..
وانا ما عاد بضلوعي مكان لطعنه السكين ..

مثل ما قالو المكتوب واضح من عناوينه ..
لو ارحل منج للغربه بسافر من ظلامج وين ..

كفايه كل حلم يمر في رقادي تزورينه ..
كفايه من تفارقنا وانا ما غمضت لي عين ..

قبل يومين شفتج في المنام وقمت من حينه ..
ونمت امس ورجع نفس المنام اللي قبل يومين ..

المبدع حامد زيد

مشكوووووووووووووره ياا قلبي

عجيبه هالقصيده كلمااتهااا روووعه وتعجبني واااايد

تسلمين حبيبتي على الموضوع الحلووو مثلج غمزة

ويعطيج العااافيه قطوه

تحياااتي : 7wo0or ^_^

العفوو ولوو حبوبة
الله يسلمج
مرورج احلى يا قلبي ;)

الله يعافيج
حياج الله ...

ثااانكس على القصيدة الروعه

يعطيج العافية

اخيييييييييييييييييييييييييييييييييييه
يسلمووو عالقصيده الجميله
ويعطيج العافيه ملووكه

Mr.3eemi
العفووو ولوو
الله يعاافييك خيووو

ملك الكون
الله يسلمك ويعاافييك
بو جاااسم

ثااانكس عالمرور ;)

يعطيج العافيه عالقصيده الحلوووة

زائر

صج صج كلماتها حلوه
ملكة الأحزان يعطيج الف عافيه ومشكوووووورة على القصيده الحلوة

مشكورة على القصيدة الروعة وحامد زيد اغلب قصايده حلوين

اللله هالقصيدة تحطييم صارت اشهر من نار على علم .. حامد زيد انكتب اسمه بالخط العريض و بأول قايمة شعراء النبط بالكويت

طموحي بس اجي واظفر بشي تستحقينه

عوااار قلب و الله

ملكة الحزن يعطيج ألف عافياا ..

أسيرة الاحلام
الله يعافيج حبيبتي

qjgol
مرورج احلى يا قلبي
والله يعافيج حبيبتي

boia3ga
العفووو ولو

TaSnEeM
حياج الله حبيبتي

ثانكس عالمرور حبايبي =)